ბრიტანეთმა, საფრანგეთმა, ესპანეთმა, ავსტრიამ, დანიამ, შვედეთმა, ლატვიამ და გერმანიამ ხუან გუაიდო ქვეყნის დროებით პრეზიდენტად აღიარეს

მსოფლიო - 15:54, 04 Feb, 2019

2821

დიდმა ბრიტანეთმა, საფრანგეთმა, ესპანეთმა, ავსტრიამ, დანიამ, შვედეთმა და ლატვიამ ვენესუელას ეროვნული ასამბლეის სპიკერი ხუან გუაიდო ქვეყნის დროებით პრეზიდენტად აღიარეს, ამის შესახებ განცხადებები ამ სახელმწიფოების საგარეო უწყებებმა და ხელისუფლებებმა გაავრცელეს.

დიდი ბრიტანეთის საგარეო უწყების ხელმძღვანელი ჯერემი ჰანტი

საფრანგეთის პრეზიდენტი ემანუელ მაკრონი

ლატვიის საგარეო საქმეთა მინისტრი ედგარ რინკევიჩი

შესაბამისი განცხადებები გაავრცელეს შვედეთის საგაეო მინისტრმა მარგო ვალსტრემმა და პოლონეთის საგარეო უწყების პრეს სამსახურმა.

ხუან გუაიდო ქვეყნის პრეზიდენტობის მოვალეობის დროებით შემსრულებლად აღიარა გერმანიამაც, ამის შესახებ განცხადება ქვეყნის კანცლერმა, ანგელა მერკელმა გააკეთა.

შეგახსენებთ, გასულ კვირას ესპანეთმა, გერმანიამ, საფრანგეთმა, დიდმა ბრიტანეთმა, ნიდერლანდებმა, პორტუგალიამ და ავსტრიამ მადუროს ულტიმატუმი წაუყენეს - ის ან 8 დღეში ვადამდელ არჩევნებს დანიშნავს, ან ევროპის ქვეყნები ოფიციალურად ცნობენ ოპოზიციურ ხელისუფლებას.

ვენესუელას ე.წ პრეზიდენტი ნიკოლას მადურო არ დაეთანხა ევროპული ქვეყნების ულტიმატუმს, ვადამდელი არჩევნების ჩატარებასთან დაკავშირებით და განაცხადა, რომ ქვეყანაში შექმნილი კრიზისი შესაძლოა სამოქალაქო ომში გადაიზარდოს.

აშშ და ბევრი სხვა ქვეყანა, მათ შორის საქართველო, ნიკოლას მადუროს ლეგიტიმურ პრეზიდენტად არ მიიჩნევს და მხარს ოპოზიური პარლამენტის ლიდერს ხუან გუაიდოს უჭერს, რომელმაც თავი პრეზიდენტობის მოვალეობის შემსრულებლად წინა კვირას გამოაცხადა.