პაშინიანი ევრაზიულ კავშირთან და ევროკავშირთან ურთიერთობების ერთობლივ განვითარებას შესაძლებლად მიიჩნევს

მსოფლიო - 14:20, 04 Feb, 2019

2824

სომხეთის პრემიერმინისტრის ნიკოლ პაშინიანი ევრაზიულ კავშირთან და ევროკავშირთან ურთიერთობების ერთობლივ განვითარებას შესაძლებლად მიიჩნევს. ამის შესახებ პაშინიანმა „დოიჩე ველესთან“ ინტერვიუში განაცხადა.

„ჩვენ არ ვცდილობთ ორ სკამზე ერთდროულად ჯდომას, ჩვენ ასეთი მიზანი არ გვაქვს. ევროკავშირი მხარს უჭერს ჩვენს დემოკრატიულ რეფორმებს და არ გვაქყენებს არჩევანის წინაშე ევრაზიულ კავშირსა და ევროკაშვირს შორის.“- განაცხადა პაშინიანმა. მისი თქმით, ამ ორ საერთაშორისო სტრუქტურასთან ურთიერთობები აბსოლუტურად გამჭვირვალეა,

„ჩვენ არ ვაპირებთ ერთ პარტნიორთან ურთიერთობების განვითარებას მეორესთან გაფუჭების ხარჯზე“- აღნიშნა პაშინიანმა.

კითხვის პასუხად, თუ რატომ შეხვდა კრემლი, რომელსაც რევოლუციები არ უყვარს, სომხეთში ხელისუფლების ცვლილებას ასე მშვიდად, პაშინიანმა განაცხადა, რომ სომხეთის მოვლენების „ფერადი რევოლუციების“ რიგში ჩაყენება მიუღებელია:

„ჩვენს რევოლუციაში არანაირი გეოპოლიტიკური კონტექსტი არ იყო და არანაირი გარე ძალა არ მონაწილეობდა“- აღნიშნა პაშინიანმა, თუმცა არ დაუკონკრეტებია, რომელი გარე ძალები ქონდა მხედველობაში.