7 ადამიანი, მათ შორის 4 ბავშვი დაიღუპა რუსეთში, კალუგის ოლქში მომხდარი ავტოავარიის შედეგად. დაშავდა 30 ადამიანი, აქედან 25 ჰოსპიტალიზებულია. მათ შორის 24 ბავშვია.

ინციდენტი 3 თებერვალს, დილით მოხდა, როდესაც ბავშვები ქალაქ იარცევოში მუსიკალურ კონკურსში მონაწილეობის მისაღებად მიემგზავრებოდნენ. რუსეთის საგანგებო სიტუაციათა სამინისტროს ინფორმაციით, "MAN"-ის მარკის ავტობუსი, რომელსაც ბავშვები გადაჰყავდა, ავარიაში ლიპყინულის გამო მოჰყვა.

ავტობუსი, რომელიც ინდმეწარმეს ეკუთვნოდა, სავარაუდოდ, მოცურდა, გზისპირა არხში ჩავარდა და გადაბრუნდა. სულ ავტობუსში 47 მგზავრი იმყოფებოდა.