სირიის პრეზიდენტი მზად არის, ქიმიური იარაღი გაანდგუროს, - ამის შესახებ "ბიბისი" იუწყება.

ბაშარ ალ-ასადის განცხადებით, იარაღის განადგურება სწრაფად ვერ მოხერხდება, რადგან ამ პროცესს დიდი თანხა და მუშაობა დასჭირდება.

ასადი ფიქრობს, რომ იარაღის განადგურებას ერთ წელზე მეტი დასჭირდება.

"ქიმიური იარაღის განადგურება, ტექნიკური თვალსაზრისით, ძალიან რთული და ძვირადღირებული ოპერაციაა. განადგურებას დაახლოებით მილიარდი დასჭირდება. ასე რომ, ექსპერტებს უნდა ვკითხოთ, რას გულისხმობენ იარაღის სწრაფად განადგურებაში. ეს ოპერაცია გეგმის მიხედვით უნდა განხორციელდეს და მას დაახლოებით ერთი წელი ან ცოტა მეტი დასჭირდება", - განაცხადა სირიის პრეზიდენტმა.

ასადმა "Fox News"-თან საუბრისას კიდევ ერთხელ აღნიშნა, რომ სახელისუფლებო ძალები არ არის პასუხისმგებელი 21 აგვისტოში დამასკოში განხორციელებულ ქიმიურ შეტევაზე.