სამორინე „ინტურისტის“ ყოფილმა თანამშრომლებმა კომპანია „მეტროს“ ოფისთან აქცია გამართეს.

200-მდე ადამიანი სახელფასო დავალიანების დაფარვას ითხოვდა. აქციის მონაწილეები აცხადებენ, რომ კაზინოს დამფუძნებელმა მათთან კონტაქტი გაწყვიტა, ამიტომ ცდილობდნენ „მეტროს“ ადმინისტრაციაში შესვლას.

აღსანიშნავია, რომ სამორინე „ინტურისტი“ კომპანია „მეტროს“ საკუთრებაა, მაგრამ იგი ორწლიანი იჯარით თურქეთის მოქალაქეზეა გაცემული.

კომპანიის პრესსამსახურში აცხადებენ, რომ „მეტრო“ დავალიანებას დაფარავს, მაგრამ ზუსტი თარიღი არ კონკრეტდება.

შეგახსენებთ, რომ სამორინე „ინტურისტი“ ახალი წლის შემდეგ მოულოდნელად დაიხურა.