ამერიკის შეერთებულმა შტატებმა ვენესუელას ახალი სანქციები დაუწესა, კერძოდ საუბარია ვენესუელას კუთვნილ ნავთობ კომპანიაზე PDVSA-ზე. აშშ-მა ქვეყნის სამხედრო ძალებს მოუწოდა დათანხმდეს ხელისუფლების მშვიდობიან ცვლილებას.

მრჩეველმა ეროვნული უსაფრთხოების საკითხებში ჯონ ბოლტონმა განაცხადა, რომ პრეზიდენტი ნიკოლას მადურო და მისი თანამოაზრეები „ვეღარ შეძლებენ ვენესუელას ხალხის აქტივების ძარცვას“

აშშ-მა და 20-ზე მეტმა ქვეყანამ ვენესუელას დროებით პრეზიდენტად ოპოზიციის ლიდერი ხუან გუაიდო აღიარეს. აშშ-ის ფინანსთა მინისტრის განცხადებით, ზემოთ აღნიშნული ნავთობ-კომპანია სანქციებს ასცდებოდა იმ შემთხვევაში, თუ ხუან გუაიდოს დროებით პრეზიდენტად აღიარებდა.

ვენესუელა დიდი დოზით არის დამოკიდებული ამერიკის შეერთებულ შტატებზე - იგი აშშ-ში ნავთობის 41%-ის იმპორტით არის დაკავებული. მოგვიანებით მადურომ განაცხადა, რომ კომპანია პოლიტიკურ და იურიდიულ ქმედებებს განახორციელებს საერთაშორისო დონეზე.