გარემოვაჭრეების აქციები ბათუმში - ისინი პროტესტის შეწყვეტას არ აპირებენ და მოითხოვენ, რომ მერიამ ალტენატიული ფართის გამოყოფამდე, მათ ვაჭრობის უფლება მისცეს.

პროტესტის ნიშნად, გარემოვაჭრეებმა ჭავჭავაძის გამზირის გადაკეტვა სცადეს. აღნიშნულს სამართალდამცავებთან კონფლიქტი მოჰყვა, შედეგად აქციის ერთ-ერთი მონაწილე დააკავეს.

ქსენია ქელეში წვრილმანი ხულიგნობისა და პოლიციისადმი დაუმორჩილებლობის ბრალდებით დააპატიმრეს და მოგვიანებით, სასამართლო დარბაზიდან გაათავისუფლეს.

“ვაპირებთ აქციის გაგრძელებას მერიასთან, უშუალოდ მერიის წინ. ჩვენი მოთხოვნა არის, რომ დაგვაკმაყოფილონ სავაჭრო წერტილებით,“ - აცხადებს ერთ-ერთი გარემოვაჭრე მაგული ჯორბენაძე.