უკრაინული როკ-ჯგუფის „Океан Ельзи“-ის ლიდერმა სვიატოსლავ ვაკარჩუკმა განაცხადა, რომ 2019 წლის საპრეზიდენტო არჩევნებში მონაწილეობას არ მიიღებს. ვიდეომიმართვა მან YouTube-ზე გაავრცელა.

მუსიკოსის თქმით, მას პრეზიდენტის პოსტი არ აინტერესებს, თუმცა უკრაინის მომავლისთვის ბრძოლას არ წყვეტს.

მე ერთმნიშვნელოვნად განვაცხადა, ძალაუფლება როგორც ასეთი და პრეზიდენტის თანამდებობა არ მაინტერესებს. მე მაინტერესებს ქვეყანაში ნამდვილი ცვლილებები. წერტილი რომ დავუსვა ამაზე საუბარს ვაცხადე, მე სვიატოსლავ ვაკარჩუკი არ მივიღებ მონაწილეობას 2019 წლის საპრეზიდენტო არჩევნებში. მე გათვითცნობიერებული მაქვს, რომ ახლა ჯინსებში უფრო მეტის გაკეთება შემიძლია ქვეყნისთვის ვიდრე ჰალსტუხით. მე არ ვაპირებ გვერდზე გადგომას.“- გაანცხადა ვაკარჩუკმა. მისი თქმით, თავის გუნდთან ერთად ის იბრძოლებს ქვეყანაში ნამდვილი ცვლილებების განსახორციელებლად და ევროპული ძალების გასამარჯვებლად.

შეგახსენებთ, გამოკითხვებში, რომელიც საპრეზიდენტო კანდიდატურების წარდგენამდე ტარდებოდა ვაკარჩუკს საკმაოდ კარგი პოზიცია ქონდა.

სვიატოსლავ ვაარჩუკი 43 წლისაა. მას დამთავრებული აქვს ლვოვის უნივერსიტეტის ფიზიკის და საერთაშორისო ეკონომიკის ფაკულტეტები. ფიზიკის დარგში დაცული აქვს დისერტაცია. 2015 წელს გახდა იელის უნივერსიტეტის მსოფლიო სასტიპენდიო პროგრამის მონაწილე, რომელიც მიმართულია ახალი მსოფლიო ლიდერების ქსელის შექმნასა და საერთაშორისო ურთიერთობების გაღრმავებაზე. აქტიურად მონაწილეობდა ნარინჯისფერ რევოლუციასა და მაიდნის მოვლენებში. 2017 წლიდან მასზე , როგორც უკრაინის პრეზიდენტობის კანდიდატზე აქტიურად ალაპარაკდნენ.