28 იანვარი პერსონალურ მონაცემთა დაცვის საერთაშორისო დღეა

საზოგადოება - 09:43, 28 Jan, 2019

742

2019 წლის 28 იანვარს, 18 საათზე, სასტუმროში „რუმსი" (მერაბ კოსტავას 14, თბილისი), საქართველოს პერსონალურ მონაცემთა დაცვის ინსპექტორის აპარატი წარადგენს საინფორმაციო რესურსების განახლებულ პაკეტს, რომელიც პერსონალური მონაცემების უკეთ დაცვას შეუწყობს ხელს. პაკეტში შედის ვებგვერდი, საქმის წარმოების პროგრამა და საინფორმაციო ვიდეო.

ღონისძიებას გახსნის თამარ ქალდანი - პერსონალურ მონაცემთა დაცვის ინსპექტორი. მონაწილეებს სიტყვით მიმართავენ მუნხტუია ალთანგერელი - გაეროს განვითარების პროგრამის (UNDP) ხელმძღვანელის მოადგილე, და კატალინ გერმანი - საქართველოში ევროკავშირის წარმომადგენლობის პროექტების განყოფილების უფროსის მოადგილე.

ღონისძიების მხარდამჭერია ევროკავშირი და გაეროს განვითარების პროგრამა (UNDP), მათი უფრო ფართომასშტაბიანი საერთო პროგრამის ფარგლებში „ადამიანის უფლებები ყველასათვის". შეხვედრას დაესწრებიან საქართველოს პარლამენტის, მთავრობის, სამოქალაქო საზოგადოების, საერთაშორისო ორგანიზაციების და მედიის წარმომადგენლები.

28 იანვარი მონაცემთა დაცვის საერთაშირისო დღეა, რომელიც ევროპის საბჭომ 2006 წელს შემოიღო. საქართველო მონაცემთა დაცვის საერთაშორისო დღეს მეექვსედ აღნიშნავს.