დაუდგენელმა პირებმა პარიზში ბენქსის ნამუშევარი მოიპარეს. ანონიმმა ქუჩის მხატვარმა გრაფიტი, რომელზეც მგლოვიარე ქალის ფიგურაა გამოსახული, 2015 წლის ტრაგედიის შემდეგ, ბატაკლანის საკონცერტო დარბაზის კარზე შექმნა და პარიზის ტერაქტების შედეგად დაღუპულ 130 ადამიანს მიუძღვნა.

გამტაცებლებმა გვიან ღამით კარიდან გრაფიტი ამოჭრეს და სატვირთო ავტომობილით წაიღეს.

ქურდობის შესახებ ბატაკლანის ადმინისტრაციამ მხოლოდ დილით შეიტყო, როდესაც სამსახურში მისულებმა ბენკსის ნამუშევარის ნაცვლად ადგილზე ნახევარი კარი აღმოაჩინეს. გამოძიება დამნაშავეებს ეძებს.