ამერიკის შეერთებული შტატებისა და კანადის საბრძოლო თვითმფრინავებმა ორი რუსული სტრატეგიული ბომბდამშენი გააძევეს.

კანადის სამხედრო ხელმძღვანელობა აცხადებს, რომ აშშ-ის ორი, F-22-ის ტიპის და ორი კანადური, CF-18-ის ტიპის საბრძოლო თვითმფრინავი ჰაერში მას შემდეგ აფრინდნენ, რაც რადარებზე არქტიკის ზონაში, ჩრდილოეთ ამერიკის კონტინენტის სანაპირო ზოლთან ახლოს, ორი რუსული Ту-160 დააფიქსირეს.

ამერიკულმა და კანადურმა ავიაგამანადგურებლებმა რუსულ სტრატეგიულ ბომბდამშენებს, რომლებსაც ატომური იარაღის გადატანის უნარი შესწევთ, უკან დაბრუნება აიძულეს და ზონიდან გააცილეს.