არასამთავრობო ორგანიზაციების წარმომადგენლები დღეს ეკა ბესელიასა და უმრავლესობის დეპუტატების ნაწილს შეხვდნენ. მათ მოსამართლეთა შერჩევის კრიტერიუმებზე იმსჯელეს. სამოქალაქო სექტორის წარმომადგენლები დღეს ჩატარებულ მოსამართლეთა რიგგარეშე კონფერენციასაც გამოეხმაურნენ:

„ჩვენ მოვისმინეთ საბჭოს რამდენიმე წევრის განცხადება, რომ თითქოს, ჩვენი კრიტიკული განცხადებები ახალისებს ძალადობას მათ წინააღმდეგ, ეს არის მუქარაც, მათ შორის, რაც ორ რამეს ნიშნავს - მათ არც სამართალი ესმით კარგად და არც მორალურად დგანან სწორ მხარეს. დიახ, ჩვენ მიგვაჩნია, რომ საბჭოს მართავს კლანი, ადამიანები, რომლებისთვისაც მართლმსაჯულება, კონსტიტუცია და ადამიანის უფლებები არ არის მნიშვნელოვანი,“ - განაცხადა გიორგი მშვენიერაძემ.