მძიმეწონიანმა მამაკაცმა ფრენისას ბორტგამცილებელ ქალს ტუალეტში გაყვანა, მისთვის შარვლის გახდა და მომსახურება მოსთხოვა

მსოფლიო - 17:27, 26 Jan, 2019

6658

სკანდალური ფაქტი მოხდა ტაივანის საერთაშორისო ავიაკომპანიის EVA Air-ის თვითმფრინავში, რომელიც ლოს-ანჯელესიდან ტაივანის მიმართულებით მიფრინავდა. ამ ინციდენტის შესახებ ჟურნალისტებს პრესკონფერენციაზე თვითმფრინავის ბორტგამცილებელმა მოუყვა.

რეისის ერთერთი მგზავრი, რომელიც ზომაზე მეტს იწონიდა, თვითმფრინავში შშმ პირებისთვის განკუთვნილი სავარძლით ავიდა და ეკონომ-კლასის სალონში განტავსდა. აფრენიდან 2,5 საათის შემდეგ, მამაკაცმა, რომელიც, ეკიპაჟის განცხადებით, 200 კილოგრამზე მეტს იწონიდა, ბორტგამცილებელ ქალს ბიზნეს-კლასის ტუალეტში გაყვანა მოსთხოვა, რაც მისი წონით ახსნა.

EVA Air-ის შინაგანაწესით, ავიაკომპანიის თვითმფრინავებზე მგზავრსბის მოსახურებისთვის სამუშაოდ მხოლოდ ქალებს იყვანენ.

ბორტგამცილებელმა და მისმა ორმა კოლეგამ მგზავრი ტუალეტში შეიყვანა. მგზავრმა, მარჯვენა ხელზე ახლადგაკეთებული ოპერაციის მომიზეზებით, ბორტგამცილებელს მისთვის შარვლის გახდა და უნიტაზზე დასმა მოსთხოვა. დიდი ხნის ყოყმანის შემდეგ, ქალმა ეს გააკეთა, თუმცა, როდესაც მან მგზავრის შიშველი გენნიტალიების პირსახოცით დაფარვა მოინდომა კაცმა მას ხელი გაარტყა.

მოსაქმების შემდეგ, მამაკაცმა ბორტგამცილებლებს უკანა ტანის გაწმენდა მოთსთხოვა და უარის მიღების შემდეგ დაემუქრა, რომ წინააღმდეგ შემთხვევაში მთელი ფრენის დროს, რომელიც 14 საათს გაგრძელდებოდა, ტუალეტს არ დატოვებდა.

"მე არასდროს დამავიწყდება ეს მომენტი, როდესაც ჩემზე ოთხჯერ მძიმე ადამიანის შიშველი სხეული მეყრდნობოდა, ხოლო ამ დროს ჩემი კოლეგა მას წმენდდა. ეს ალბათ ყველაზე მძიმე ტრავმა იქნება ჩემს ცხოვრებაში, რომ არაფერი ვთქვათ ჩემს კოლეგაზე," - ჰყვება ბორტგამცილებელი.

პრესკონფერენციას ბორტგამცილებელთა პროფკავშირის წარმომადგენლებიც ესწრებოდნენ. მათ მგზავრი ძალადობაში, მომსახურე პერსონალის შეურაცხყოფაში და სექსუალურ ზეწოლაში დაადანაშაულეს, მისი დასჯა და თვითმფრინავით მგზავრობის აკრძალვა მოითხოვეს.

როგორც გაირკვა, მამაკაცს მსგავსი რამ ადრეც ჰქონდა გაკეთბული - 2018 წლის მაისში მან სხვა ავიაკომპანიის თვითმფრინავის სალონში მოისაქმა, მას შემდეგ რაც ეკიპაჟმა ზემოთ აღწერილ მომსახურებაზე უარი განუცხადა და რეისის მგზავრებს დაახლოებით 10 საათის მანძილზე სასშინელი სუნი სტანჯავდა.

EVA Air-ის ხელმძღვანელობა აცხადებს, რომ იგი განიხილავს ორ ვარიანტს - მგზავრისთვის მათ კუთვნილ თვითმფრინავებით ფრენის აკრძალვას, ან, ნების დართვას მხოლოდ იმ შემთხვევაში, თუ მას სპეციალური თანმხლები მომსახურე პირი ეყოლება. გადახედავს თუ არა ავიაკომპანია თვითმფრინავებში მხოლოდ ქალი ბორტგამცილებლების დაქირავების პოლიტიკას, ჯერჯერობით უცნობია.