საბერძნეთის პარლამენტმა ორ ქვეყანას შორის დადებული შეთანხმების რატიფიკაცია მოახდინა, რომლის თანახმადაც მაკედონიას "ჩრდილოეთ მაკედონია" ეწოდება.

დოკუმენტის მიხედვით, მოიხსნა ყველა ის ბარიერი, რომელიც უზღუდავდა მაკედონიას ევროატლანტიკურ სტრუქტურებში ინტეგრაციას.

ათენი წლების განმავლობაში, სწორედ სახელის გამო, ხელს უშლიდა მაკედონიის ევროატლანტიკურ ინტეგრაციას, რადგან ანალოგიური სახელწოდება აბერძნეთის ისტორიულ რეგიონს ეწოდება.

საბერძნეთში ათენსა და სკოპიეს შორის შეთანხმებას ხანგრძლივი პროტესტი მოჰყვა. ბერძნები თვლიდნენ, რომ ეს შეთანხმება ქვეყნის ეროვნული ინტერესებისთვის საზიანო იყო. ამის გამო შეთანხმების რატიფიკაცია რამდენჯერმე გადაიდო.