ღირებულების ვარდნამ ბიტკოინისადმი ინტერესი დავოსშიც შეამცირა

მსოფლიო - 17:49, 24 Jan, 2019

1307

მსოფლიო ბიზნეს-ელიტის წინა შეკრებაზე დავოსში, ბიტკოინის ფასი 10 000 დოლარს აჭარბებდა. ერთი წლის შემდეგ, 2019-ში, ის მხოლოდ 3560 დოლარი ღირს.

მზარდი ფასის გამო კრიპტოვალუტა და მისი ტექნოლოგიები მსოფლიო ეკონომიკური ფორუმზე განხილვის ერთერთი მთავარი საკითხი იყო. ამჯერად, ფასის ვარდნის გამო, მისადმი ინტერესიც დაეცა. ამ თემაზე გამართულ დისკუსიაზე დასწრებისთვის შარშან თუ რიგები იდგა, წელს დარბაზი თითქმის ცარიელი იყო.

ბიტკოინმა ღირებულების მაქსიმუმს 2017 წლის დეკემბერში მიაღწია, როდესაც მისმა ფასმა თითქმის $20,000 შეადგინა. მას შემდეგ „საპნის ბუშტის“ თეორია, რაზეც არაერთი ინვესტორი საუბრობდა, დიდწილად გამართლდა და კრიპტოვალუტების კურსი მკვეთრად დაეცა.

კრიპტოვალუტის ღირებულების ვარდნას ძირითადად სამ ფაქტს უკავშირებენ. პირველ რიგში ამ სახის ანგარიშწორება აბსოლუტურად უკონტროლოა და გადასახადების დაფარვას უწყობს ხელს. ასევე რამდენჯერმე გავრცელდა ინფორმაცია, რომ ბიტკოინებს იარღითა და ნარკოტიკებით ვაჭრობაში, ასევე ტერაქტების ორგანიზებისთვის იყენებდნენ.. ყოველივე ამას დაერთო ბევრ ქვეყანაში კრიპტოვალუტის ბირჟებისთვის გარკვეული რეგულაციების დაწესება.