ვენესუელას პარლამენტის თავმჯდომარემ მადურო გადააყენა და თავი პრეზიდენტად გამოაცხადა

ვენესუელას პარლამენტის თავმჯდომარემ მადურო გადააყენა და თავი პრეზიდენტად გამოაცხადა - ტრამპმა ახალი ხელისუფალი უკვე აღიარაა

მსოფლიო - 12:16, 24 Jan, 2019

1275

ვენესუელაში მესამე დღეა საპროტესტო აქციები მიმდინარეობს, ასობით ათასი ადამიანი გამოვიდა პრეზიდენტ ნიკოლას მადუროს რეჟიმის წინააღმდეგ კარაკასსა და სხვა ქალაქებში.

საპროტესტო აქციები პოლიციასთან შეტაკებებში გადაიზარდა, რასაც 16 დემონსტრანტი ემსხვერპლა. დაღუპულებს შორის 16 წლის მოზარდია, რომელიც დემონსტრაციის დროს ცეცხლსასროლი იარაღით მიყენებული ჭრილობისაგან გარდაიცვალა.

ვრცელდება ფოტოები, თუ როგორ წვავენ დემონსტრანტები წინა პრეზიდენტის უგო ჩავესის ხის ქანდაკებას.

დემონსტრანტების მხარეს არის ქვეყნის პარლამენტი, რომელსაც ოპოზიცია აკონტროლებს. ნაციონალური ასამბლეის თავმჯდომარემ ხუან გუაიდომ განაცხადა, რომ ნიკოლას მადურო აღარ არის ქვეყნის პრეზიდენტი საკუთარი ხალხის წინაშე ჩადენილი დანაშაულებების გამო და კონსტიტუციის თანახმად, თავი ქვეყნის პრეზიდენტის მოვალეობის შემსრულებლად გამოაცხადა. მან საჯაროდ დადო ფიცი.

აღნიშნულ ფქტს უკვე მოჰყვა საერთაშორისო აღიარება - პრეზიდენტმა დონალდ ტრამპმა გუაიდო ოფიციალურად აღიარა ერთადერთ კანონიერ ხელისუფლად და ქვეყნის მეთაურად. აშშ-სთან ერთად, გუადო პრეზიდენტად კანადამ, კოლუმბიამ, ბრაზილიამ და ამერიკის კონტინენტის სხვა 7 ქვეყანამ სცნო.

რუსეთმა, რომელიც უგო ჩავესისა და მისი მემკვიდრის მადუროს პირდაპირი მხარდაჭერია, გუაიდო არ სცნო.

"ვულოცავთ @jguaido-ს, როგორც ვენესუელას პრეზიდენის მოვალეობის შემსრულებელს. თქვენ ჩვენი სრული აღიარება გაქვთ, რომ დაიწყოთ დემოკრატიის დაბრუნება ქვეყანაში," - დაწერა ტრამპმა ტვიტერში.

მადურომ ამის საპასუხოდ აშშ ქვეყნის მტრად გამოაცხადა და ამერიკასთან დიპლომატიური ურთიერთობა გაწყვიტა და დიპლომატებს ქვეყნის დატოვებისთვის 72 საათი მისცა.