ბათუმის 31-ე საბავშვო ბაღში 4 წლის ბავშვმა სადეზინფექციო ხსნარი დალია. შედეგად მან ჯანმრთელობისთვის საშიში დაზიანებები მიიღო და მისი გადმოყვანა თბილისში, იაშვილის სახელობის სამედიცინო დაწესებულებაში გახდა საჭირო.

ბავშვმა სითხე მაშინ დალია, როცა სამზარეულოში ძიძასთან ერთად იმყოფებოდა და წყალი მოითხოვა:

„რატომღაც ბავშვისთვის ხელმისაწვდომ ადგილას, წყლის ჭიქაში აღმოჩნდა ქლორი და ის დალია ერთი ყლუპი. მიუწვდომელი უნდა ყოფილიყო, აბა ქლორს რა უნდა წყლის ჭიქაში ბაღში სადაც სამასი ბაღანაა. ერთადერთი რითაც ვარ დაკავებული ბავშვის გამოჯანმრთელებაა,“-განაცხადა ბავშვი მამამ.