ზუგდიდის რეფერალურ ჰოსპიტალში გუშინ გადაუდებელი დახმარებისა და კატასტროფის სამსახურმა გრიპის ვირუსით პაციენტი შეიყვანა. როგორც ჰოსპიტალის კლინიკურმა მენეჯერმა სულხან ორჟონიამ განაცხადა, პაციენტი მართვით სუნთქვაზეა და მისი მდგომარეობა მძიმეა.

ექიმის განცხადებით ქალი ერთი კვირის განმავლობაში ცუდად იყო და სამედიცინო დაწესებულებას გვიან მიმართა. მას აღენიშნება მწვავე რესპირატორული ვირუსული ინფექცია, ორმხრივი ტოტალური პნევმონია და ფილტვების შეშუპება.