წითელას ეპიდაფეთქება - ჯანდაცვის სამინისტრო მოსახლეობას ვაქცინაციისკენ მოუწოდებს. აღნიშნულ საკითხზე სამინისტროში სამუშაო შეხვედრა გაიმართა.

აღსანიშნავია, რომ წითელას ვაქცინაცია პირველადი ჯანდაცვის დაწესებულებებში საგანგებო რეჟიმში გრძელდება.

ვაქცინაციით უკვე ისარგებლა 4 ათას 300-ზე მეტმა მოქალაქემ. ვაქცინაცია სახელმწიფოს მხრიდან სრულად ფინანსდება.

„ყველა მშობელმა, მასწავლებელმა თუ ბაღის აღმზრდელმა, თავისი მოწაფის ან შვილის აცრის სტატუსი, თუ ბავშვი არ არის ორჯერადად აცრილი 1 და 5 წლის ასაკში, აუცილებლად მიიყვანონ და აცრან, უკვე 4 ათასი ადამიანია ქვეყანაში აცრილი, ჩვენი გათვლებით, დაახლოებით 200 ათასი ადამიანი წელს თუ ავცერით დამატებით, სერიოზულად შევაჩერებთ კი არა, წავალთ აღმოფხვრისკენ წითელასი“, - განაცხადა ამირან გამყრელიძემ.