"ბავშვი, ფაქტობრივად, გაქრა, არც ცოცხალი არ იციან, არც მკვდარი" - ლიბიაში 22 წლის ქართველ მეზღვაურს ეძებენ

საზოგადოება - 19:24, 20 Jan, 2019

2937

22 წლის ქართველი მეზღვაური დავით რაზმაძე ლიბიაში ნაოსნობის დროს დაიკარგა. ლიბიის დროშის ქვეშ მცურავი ხომალდი "დოგან ბეიდან" 7 იანვარს გაუჩინარდა, ხოლო დაკარგული მეზრვაურის ოჯახს მომხდარიდან ერთი კვირის შემდეგ შეატყობინეს.
დავით რაზმაზის გაუჩინარება მისმა თურქმა შემცვლელმა აღმოაჩინა და პოლიციას მიმართა.

„7-ში დაიკარგაო, მწერს კომპანია. ჯერ მომწერს, მერე დამირეკეს. ახლა არის გემი ლიბიაში. მე ამბავი გამაგებინეს 14 იანვარს. ჩაერია ლიბიის პოლიცია, მერე აქ, შინაგან საქმეთა სამინისტროში განცხადება დავწერე. ბავშვი, ფაქტობრივად, გაქრა, არც ცოცხალი არ იციან, არც მკვდარი. არაფერი არ ვიცით,“- განაცხადა დავთ რაზმაძის ბიცოლამ, ნინო ლაბაძემ.

დაკარგული მეზღვაურის ძიებაში ჩართულია ქართული მხარე - შს სამინისტრო და საზღვაო პოლიცია.

ეკონომიკის სამინისტროს საზღვაო ტრანსპორტის სააგენტოში ამბობენ, რომ მომხდარის შესახებ ინფორმაცია 16 იანვარს შევიდა. თამარ იოსელიანის განცხადებით, სააგენტო დეტალების დადგენას ამ დრომდე ცდილობს. მისი ინფორმაციით, საგარეო საქმეთა სამინიტროსთან ერთობლივად სიტუაციის დადგენა მიმდინარეობს.

"2019 წლის 16 იანვარს ეკონომიკის სამინისტროს საზღვაო ტრანსპორტის სააგენტოში შემოვიდა ინფორმაცია, რომ ლიბიაში მყოფ მარშალის დროშის ქვეშ მცურავ გემზე ‘Mv Dogan Bey (თურქი გემთმფლობელი) მუშაობისას, ლიბიის ნავსადგურში misurata 07.01.2019 ვახტაზე ყოფნისას დაიკარგა ქართველი მეზღვაური დავით რაზმაძე. საქართველოს საზღვაო ტრანსპორტის სააგენტო და საგარეო საქმეთა სამინისტრო ყველა შესაძლო გზით ცდილობს სიტუაციის დადგენას. ვმუშაობთ ყველა მიმართულებით, როგორც დიპლომატიური არხებით, ისე გემის, დროშისა და გემთმფლობელის მიმართულებით. დღეს გემთმფლობელის წარმომადგენელი ჩავიდა ლიბიაში, რათა ადგილზე მოახდინოს შესაბამისი ღონისძიებების გატარება",- განაცხადა თამარ იოსელიანმა.