აფეთქება დიდ დიღომში - დაზარალებულებს, რომელთა საცხოვრებელი კორპუსი დაზიანდა შემთხვევის ადგილას შესვლის უფლება მისცეს და ნივთები გამოატანინეს.

დაზარალებულები კი, დროებით საცხოვრებელში გადაიყვანეს.

როგორც თბილისის საბურთალოს რაიონის გამგებელმა გაიოზ ვასაძემ განაცხადა, ჯერჯერობით უცნობია, შესაძლებელი იქნება თუ არა საცხოვრებელ კორპუსში ცხოვრება.

„მოხდა მოსახლეობის შეყვანა სამაშველო სამსახურის და კრიმინალური პოლიციის თანამშრომლებთან ერთად, რომ თავისი ნივთები აეღოთ. ყველა იმ ოჯახს, რომელსაც არ აქვს ღამის გასათევი, ჩვენ უზრუნველვყოფთ, რომ მათ ჰქონდეთ ღამის გასათევი ადგილი. ჩვენ შევაჯამებთ სახლის მდგომარეობა, რამდენად იქნება შესაძლებელი ცხოვრება და აქედან გამომდინარე ჩვენ გადავწყვეტთ, რა ზომებს მივიღებთ კორპუსთან მიმართებაში" - აღნიშნა გამგებელმა.