"გაზის სუნი იყო, მოიყვანა თავმჯდომარემ გაზის ბრიგადა და გაზის ბრიგადამ უთხრა გეჩვენებათო" - ადგილობრივები დიღომში მომხდარ აფეთქებაზე საუბრობენ

საზოგადოება - 21:30, 16 Jan, 2019

2834

დიდ დიღომში, ვეფხისტყაოსნის ქუჩაზე მომხდარ აფეთქებას სამი ადამიანი ემსხვერპლა. 5 დაშავებული კი კლინიკაშია გადაყვანილი.

აფეთქება 20:30 საათზე მოხდა. ადგილობრივების თქმით, მეექვსე სართულზე მდებარე ბინა სრულად განადგურებულია.

ადგილობრივები ამბობენ, რომ გაზის სუნი კორპუსში დილიდან იგრძნობოდა, მათ ყაზტრანზგაზის წარმომადგენლები გამოიძახეს, თუმცა დაზიანება არ იქნა აღმოჩენილი.

„საშინელი აფეთქებს ხმა იყო. ბოლომდე ინფორმაციას არ ვფლობ, ამბობენ რომ მსხვერპლი არის. როგორც ვიცით, დილით იყო გაზის სუნი, მოიყვანა თავმჯდომარემ გაზის ბრიგადა და გაზის ბრიგადამ უთხრა, რომ არანაირი პრობლემა არ არის და გეჩვენებათო და დრეს მოხდა აფეთქება. როგორც ამბობენ, მეექვსე სართულზე იფეთქა გაზმა. საშინელი აფეთქება იყო. საცხოვრებელ კორპუსი, როგორც ვიცი, რაღაც ნაწილი არის ჩამონგრეული, მეორე სადარბაზოში საცხოვრებელი სახლია ჩამონგრეული ორი სართული. თითქმის ყველა არის დალეწილი და კარებები არის წნევისგან გამოვარდნილი გარეთ. ჩვენ როგორ გადავრჩით ისიც მიკვირს,“ - ამბობს ერთ-ერთი თვითმხილველი.