"ენერგო-პრო ჯორჯია“-მ ძლიერი ქარის გამო დაზიანებული ელექტროქსელის დიდი ნაწილი უკვე აღადგინა.

"დღეს დილით, ძლიერი ქარის გამო მოტეხილმა ხეებმა, ბათუმში დააზიანა დაბალი ძაბვის საჰაერო ელექტროქსელი. შედეგად, ძველი ბათუმის დასახლების მცირე ნაწილს ელექტროენერგია შეზღუდვით მიეწოდებოდა. დაზიანებიდან რამდენიმე წუთში, ენერგო-პრო ჯორჯიას ტექნიკური სამსახურმა ოპერატიულად დაიწყო აღდგენითი სამუშაოები და აღნიშნული დასახლების აბონენტების უმეტესობას ელექტროენერგია სტაბილურად მიეწოდება. მუშაობა კვლავ გრძელდება და ეტაპობრივად მიმდინარეობს ავარიების ლიკვიდაცია.

ძლიერი ქარის გამო, ელექტროქსელი ასევე დაზიანდა დმანისის, წალკას, ნინოწმინდას და ახალქალაქის რაიონებშიც. ელექტროენერგიის მასშტაბური წყვეტა აღნიშნულ რაიონებშიც არ მომხდარა, თუმცა აბონენტების ნაწილს აქაც შეზღუდვით მიეწოდებოდა ელექტოენერგია. აღდგენითი სამუშაობი კვლავ გრძელდება და დღის ბოლომდე სრულად აღდგება ენერგომომარაგება" - აღნიშნულია ენერგო-პრო ჯორჯიას მიერ გავრცელებულ ინფორმაციაში.