ჩრდილოეთ მაკედონიის რესპუბლიკასთან (ყოფილი მაკედონია) ქვეყნის სახელწოდებასთან დაკავშირებით მიღწეული შეთანხმების გამო, საბერძნეთის მმართველი კოალიცია დაშლის საფრთხის წინაშეა.

მეზობელი ქვეყნის სახელწოდებაში სიტყვა "მაკედონიის" დარჩენის გამო თანამდებობიდან გადადგა საბერძნეთის თავდაცვის მინისტრი პანოს კამენოსის. მისი განცხადებით, მთავრობის შემადგენლობას მისი პარტიის სხვა წარმომადგენლებიც დატოვებენ.

გადადგომის შესახებ მიღებული გადაწყვეტილების გამო, საბერძნეთის პრემიერ-მინისტრმა, ალექსის ციპრასმა მომავალ კვირაში მთავრობის ნდობის საკითხზე პარლამენტში კენჭისყრის ჩატარება მოითხოვა.