მთავარ პროკურატურაში „თიბისი ბანკის“ წინააღმდეგ გამოძიება მიმდინარეობს. აღნიშნულს ბანკის საფინანსო ინსტიტუტის ადვოკატი ეხმაურება. ზვიად კორძაძის თქმით, თიბისი ბანკთან დაკავშირებით უკანონო შემოსავლის ლეგალიზაციის ფაქტზე გამოძიების დაწყება ხელოვნურია.

მისივე თქმით, სინამდვილეში თანხა, არა მხოლოდ 17 მილიონი, არამედ 80 მილიონამდე, მოხმარდა თავად „თიბისი ბანკის“ ლიკვიდურობის გაზრდას. ადვოკატი აცხადებს, რომს აუბარია 11 წლის წინაანდელ საქმეზე, რომელიც არა ერთხელ იქნა შემოწმებული ეროვნული ბანკის მიერ, მამუკა ხაზარაძე კი სასამართლოში უკვე დაკითხულია:

"ეს არის ჩვეულებრივი ლეგალური ოპერაცია - ერთმა სუბიექტმა მეორისგან ისესხა თანხა, რომელიც საჭირო იყო იმ პერიოდისთვის რომ ბანკი გადარჩენილიყო. გაურკვეველ სიტუაციაში მოხდა ინფორმაციის გაჟონვა პროკურატურიდან, როდესაც ის უკვე თვეებია ამ საქმეს სწავლობს და რატომ მაინცდამაინც ამ ფორმით მოხდა გაჟონვა ჩვენთის გაურკვეველია. ეს ოპერაცია ჩატარებულია ღიად, ლეგალურად, არსებობს გადარიცხვები კონკრეტული პირების სახელები, გვარები, გამორიცხულია რაიმე ისეთის ნახვა, რომელიც დანაშაულზე მიუთითებს,"-აცხადებს "თიბისი ბანკის" ადვოკატი, ზვიად კორძაძე.