"ანტიქრისტე კაცობრიობას ინტერნეტით გააკონტროლებს"

"ანტიქრისტე კაცობრიობას ინტერნეტით გააკონტროლებს" - რუსეთის პატრიარქი

მსოფლიო - 15:28, 09 Jan, 2019

2826

რუსეთის პატრიარქმა თავის მრევლს მოუწოდა, რომ გაჯეტებზე დამოკიდებულები არ გახდნენ, მისი მოსაზრებით სმარტფონებზე დამოკიდებულება, ალკოჰოლისა და ნარკოტიკის მსგავსად ადამიანს თავისუფლებას ართმევს. ამის შესახებ კირილმა საშობაო ინტერვიუში Россия-1-ის ეთერში ისაუბრა:

„ვინ არის ალკოჰოლიკი? - ადამიანი, რომელსაც დაკარგული აქვს თავისუფლება, მას არ შეულია ალკოჰოლის გარეშე ცხოვრება. ნარკოტიკიც, გაჯეტებიც - ეშმაკი ძალიან ბრძნულად მოქმედებს. აი თქვენ სათამაშოები, რომლებიც თქვენ უსაზღვრო თავისუფლებას გაძლევთ: არ არის განშორება, ყველაფერი თქვენს ეკრანზეა, ინფორმაციასთან წვდომა, ადამიანებთან გაზიარება, პირადი ურთიერთობების დამყარება, რა შეიძლება იყოს უკეთესი.“- განაცხადა კირილმა.

კირილის თქმით, ის შეშფოთებულია იმით, რომ გაჯეტების გლობალური ქსელი დღესდღეობით საშუალებას იძლება, რომ ადამანების მოდგმაზე უნივერსალური კონტროლი განხორციელდეს:

„ხვალ შეიძლება გამოჩნდეს მეთოდოლოგია და ტექნიკური საშუალება, რომელიც არამხოლოდ ამ ინფორმაციაზე წვდომას უზრუნველყოფს, არამედ ამ ინფორმაციას გამოიყენებს კიდეც. წარმოგიდგენიათ, როგორი ძალაუფლება იქნება კონცერტრირებული იმათ ხელში, ვისაც ექნება ცოდნა, თუ რა ხდება მთელ მსოფლიოში.“- აღნიშნა კირილმა.

რუსეთის პატრიარქის თქმით, ქრისტიანობის თვალსაზრისით მსოფლიოს ერთი ცენტრიდან მართვა ანტიქრისტეს მოსვლის წინაპირობაა:

„ანტიქრისტე - ეს ის პიროვნებაა, რომელიც მსოფლიო ქსელის სათავეში იქნება და გააკონტროლებს მთელ კაცობრიობას. ეს ნიშნავს, რომ თავად სტრუქტურა უკვე საშიშროებას წარმოადგენს. არ უნდა იყოს საერთო ცენტრი, უკიდირეს შემთხვევაში, უახლოეს მომავალში მაინც, თუ ჩვენ არ გვინდა რომ აპოკალიფსი მოახლოვდეს.“- განაცხადა რუსეთის პატრიარქმა.

ამავე დროს კირიკმა განმარტა, რომ ის გაჯეტების კატეგორიული წინააღმდეგი არაა, მაგრამ მრევლს მოუწოდებს, არ დაივიწყონ პავლე მოციქულის სიტყვები „ყველაფერი სცადეთ და კარგი შეითვისეთ“:

„თუ გაჯეტები გაქვთ, გქონდეთ, მაგრამ არ ჩავარდეთ იმის მონობაში, რაც თქვენს ხელშია“- აღნიშნა კირილმა.

ეს სმარტფონებისა და ინტერნეტ ქსელის წინააღმდეგ კირილის პირველი განცხადება არაა, მსგავსი განცხადება რუსეთის პატრიარქმა 2018 წლის ზაფხულშიც გააკეთა.