დაავადებათა კონტროლის ცენტრის სამეცნიერი ხელმძღვანელმა პაატა იმნაძემ გამართულ ბრიფინგზე გრიპის ვირუსთან დაკავშირებით ისაუბრა. იმნაძე აცხადებს, რომ შეიმჩნევა ავადობის შემცირების ტენდენცია. იმნაძის თქმით, განათლების სამინისტროსადმი მათი რეკომენდაცია დაკვირვების შემდეგ გაიცემა:

"არსებობს ბევრი დასავლური ქვეყნის გამოცდილება. სკოლა და ბაღი რომ დაიხურება, ბავშვები, რომლებიც სკოლასა და ბაღში არ ივლიან, შუშის კოლბებში იქნებიან ცალკე, რომ ადამიანებს არ ჰქონდეთ ერთმანეთთან კონტაქტი? სკოლის და ბაღის გარეშე ადამიანები ავად არ ხდებიან? ესაა ძირითადად პოსტსაბჭოთა ქვეყნების მოთხოვნა ხოლმე, რომ დაიხუროს სკოლები, დაიხუროს ბაღები. ჩვენი რეკომენდაცია იქნება იმის მიხედვით, თუ როგორი იქნება ეპიდემიოლოგიური სიტუაცია. ახლა 256 არის 100 000 მოსახლეზე. ჯერჯერობით ავადობის შემცირების ტენდენცია არსებობს, დავაკვირდებით ტენდენციას ამ კვირის განმავლობაში და შემდგომ იქნება განათლების სისტემისადმი რეკომენდაცია", - განაცხადა პაატა იმნაძემ.