„პროტოპრესვიტერ გიორგი ზვიადაძის მხრიდან არაერთი სიყალბე და დავალებით წარმოთქმული სიტყვა მოგვისმენია“

„პროტოპრესვიტერ გიორგი ზვიადაძის მხრიდან არაერთი სიყალბე და დავალებით წარმოთქმული სიტყვა მოგვისმენია“ - მღვდელმონაზონი ანდრია

საზოგადოება - 20:36, 08 Jan, 2019

2144

ჭყონდიდელი მიტროპოლიტის მიერ გუშინ გასაჯაროებულ წერილს, რომელიც მეუფე პეტრემ სინოდს მიწერა, გამოხმაურება მოჰყვა საპატრიარქოს მხრიდან. პროტოპრესვიტერი გიორგი ზვიადაძე ეთიკის დარღვევაზე მიანიშნებს და ამბობს, რომ მეუფე პეტრეს ჰქონდა უფლება, მოეთხოვა საკუთარი საკითხის განხილვა სინოდის სხდომაზე, თუმცა, მან ამის შესახებ სხვა მღვდელმთავრებს „მოკრძალებით“ უნდა სთხოვოს.

პროტოპრესვიტერის ამ განცხადებას პასუხობს მღვდელმონაზონი ანდრია სარია, რომელიც მიიჩნევს, რომ საკითხების შერჩევით განხილვა ყოვლად დაუშვებელია. მამა ანდრია ამბობს, რომ პროტოპრესვიტერ გიორგი ზვიადაძის მხრიდან არაერთი სიყალბე და დავალებით შსრულებული განცხადებები გაკეთებულა.

„ამის მოქმედი იერარქები თუ მეორეჯერაც იგივენაირად იმოქმედებენ, კრების თანახმად თავად დადგებიან უმაღლესი მსჯავრის წინაშე. თუმცა, სამწუხაროდ, როგორც ჩემთვის ცნობილია არცერთ სინოდზე მღვდელმთავრებმა წინასწარ არ იციან რომელი საკითხის გარშემო წარიმართება მსჯელობა, რაც თავისთავად დღემდე ქმნის უხერხულობას.

აკადემიის რექტორ, პროტოპრესვიტერ გიორგი ზვიადაძის მხრიდან არაერთი სიყალბე, ურთიერთსაწინააღმდეგო და დავალებით წარმოთქმული სიტყვა მოგვისმენია. სასულიეროში ასწავლიდა კანონიკურ სამართალს და ძნელი წარმოსადგენია მასშიც არ იწვევდეს შინაგან წინააღმდეგობას ის შეგნებული ტყუილი, რომელიც გააჟღერა ტელევიზიის საშუალებით. კარგი იქნება ახსოვდეს კრების განჩინება: ,,როდესაც მღვდლობის პატივში მყოფი მიიტაცებს მიტროპოლიტთა მსაჯულობას და მათ ბჭობაზე ადრე გამოუტანს განაჩენს ... ეპისკოპოსს, ის არ არის არც მღვდლობის პატივის, არც მღვდლის სახელის ღირსი.

ხოლო მის მიმდევრებს, თუ სამღვდელონი იქნებიან ისინი, უნდა წაერთვათ პატივი, ხოლო თუ მონაზვნები ან ერისკაცები იქნებიან, უზიარებელნი უნდა იყვნენ და ეკლესიიდან სრულიად უნდა განეყენონ, სანამ არ დაანებებენ თავს განხეთქილების მოქმედთა ერთობას...'' (ორგზი. კრება, კან. 13). წმინდა მამები ბრძანებენ: ,,ზნეობათა დაცემა, აი, ეგ არის გამომწვევი, ეკლესიის, როგორც სულიერი მთლიანობის დაღუპვის''. „ - აცხადებს მღვდელმონაზონი.