18 წლის გოგონა, რომელსაც ისლამის უარყოფისთვის სიკვდილით დასჯა ემუქრება, თავშესაფარს ითხოვს

მსოფლიო - 15:28, 08 Jan, 2019

2928

18 წლის საუდელ გოგონას, რაჰაფ მუჰამედ ალ-ქუნუნი, რომელმაც ისლამი უარყო და თავშესაფრის მისაღებად ავსტრალიაში აპირებდა გამგზავრებას, ამ დროისთვის ტაილანდის ხელისუფლება იცავს.
რაჰაფ მუჰამედ ალ-ქუნუნმა ისლამი უარყო და სასჯელის (სიკვდილით დასჯა) თავიდან ასარიდებლად, ოჯახს გამოექცა. ის ბანგკოკიდან ავსტრალიაში ჩასვლას გეგმავდა, მაგრამ ბანგკოკის აეროპორტში დააკავეს. მას ქუვეითში დეპორტაცია ემუქრებოდა, სადაც მისი ოჯახი ამჟამად იმყოფება .

რაჰაფი, აეროპორტის სატრანზიტო ზონაში, სასტუმროს ოთახში ჩაიკეტა და აცხადებდა, რომ იქიდან არ გამოვიდოდა, რადგან დეპორტაციის შემთხვევაში, მას სიკვდილით დასჯიდნენ. გოგონა გაეროს ლტოლვილთა უმაღლესი კომისართან შეხვედრას ითხოვდა.
საბოლოოდ ტაილანდის ხელისუფლებამ გადაწყვიტა, გოგონა არ დაადეპორტოს. მან აეროპორტი დატოვა და გაეროს ლტოლვილთა უმაღლესი კომისარიატის მზრუნველობის ქვეშაა. ამის შესახებ გოგონამ თვითერზე დაწერა. მისივე თქმით, როგორც შეატყობინებს, ბანგკოკში მამისისც ჩავიდა.
"გამარჯობა, მე რაჰაფი ვარ. როგორც გავიგე, მამაჩემი ჩამოვიდა, რაც ძალიან მაშნებს. მინდა სხვა ქვეყანაში გავფრნდე და თავშესაფარი მივიღო.
მაგრამ, ახლა თავს გადარჩენილად ვგრძნობ, ტაილანდის ხელისუფლებასთან შეთანხმებით გაეროს ლტოლვილთა უმაღლესი კომისარიატის მფარველობის ქვეშ ვარ. და საბოლოოდ, პასპორტიც დავიბრუნე" - წერს რაჰაფი.
ავსტრალიის მთავრობაში ამბობენ, რომ გოგონას საკითხს ყურადღებით შეისწავლიან.