"ცილისწამებაში შემჩნეული ადამიანები ხშირად სარგებლობენ მასმედიით და ღვთისმსახურისთვის შეუფერებელ განცხადებებს აკეთებენ, მათ შემოაქვთ შფოთი ეკლესიასა და ერში"

"ცილისწამებაში შემჩნეული ადამიანები ხშირად სარგებლობენ მასმედიით და ღვთისმსახურისთვის შეუფერებელ განცხადებებს აკეთებენ, მათ შემოაქვთ შფოთი ეკლესიასა და ერში" - მეუფე პეტრე

საზოგადოება - 23:21, 07 Jan, 2019

1740

ჭყონდიდელი მიტროპოლიტი მეუფე პეტრე დღეს აცხადებდა, რო გეგმავდა იმ წერილის გასაჯაროებას, რომელიც მან წმინდა სინოდს გასული წლის გაზაფხულზე მისწერა.

წერილი, დღეს მისივე კურთხევით მღდელმონაზონმა ანდრიამ გაასაჯაროვა სოციალური ქსელის მეშვეობით.

ჭყონდიდელი მიტროპოლიტი წერილში ხაზს უსვამს იმ ფაქტსაც, რომ საეკლესიო განაწესის დარღვევაა, როცა ცილისწამებაში შემჩნეული ადამიანები მღვდელმსახურებას კვლავ განაგძობენ. მეუფე ამბობს, რომ ასეთი პირები ხშირად მასმედიის საშუალებითაც სარგებობენ და სასულიერო პირისთვის შეუფერებელ განცხადებებსაც აკეთებენ.

,,ცილისწამებასა და სიცრუეში შემჩნეული ადამიანები რომ კიდევ მსახურობდნენ, ეს არის საეკლესიო განწესების დარღვევა (შეად. მეორე მსოფლიო კრების მე-6 კან.). უფრო მეტიც, ისინი ხშირად სარგებლობენ მასმედიის საშუალებით და ზოგ შემთხვევაში აკეთებენ ღვთისმსახურისათვის შეუფერებელ განცხადებებს, რომელიც ასევე მოითხოვს შესწავლას და შეფასებას საეკლესიო სამართლის ნორმებით, რამეთუ მსგავსი საქციელით მათ შემოაქვთ შფოთი ეკლესიაში და ერში, რომელიც უნდა აღიკვეთოს" - მიიჩნევს ჭყონდიდელი მიტროპოლიტი პეტრე ( ცაავა).