პრინცი ჰარი რუსეთის შესაძლო აგრესიის შესაკავებელ სამხედრო წვრთნებში მიიღებს მონაწილეობას.

მსოფლიო - 16:42, 05 Jan, 2019

1710

დიდი ბრიტანეთის პრინცი ჰარი მონაწილეობას მიიღებს სპეციალურ სამხედრო წვრთნებში, რომელიც რუსეთის შესაძლო აგრესიის შესაკავებლად არის განკუთვნილი. ამ მიზნით პრინცი ჰარი შეუერთდება ნორვეგიაში მყოფ სამეფო ფლოტის საზღვაო ქვეითებს. სწავლებაში, რომელიც 12 კვირას გასტანს, სულ 8000, მათ შორის 1000 ბრიტანელი, საზღვაო ქვეითი იქნება ჩართული. მათ გარდა სწავლებაში მონაწილეობას მიიღებენ აშშ-სა და ევროკავშრის წევრი ქვეყნების წარმომადგენლებიც.

სწავლების დროს მედესანტეებს დავალებული აქვთ ევროპის ჩრდილოეთის საზღვაო საზღვრის დაცვა და პოტენციური მოწინააღმდეგის, რუსეთის, სამხედრო ნაწილების შეჩერება იმ დრომდე, სანამ მათ ამერიკელი და ბრიტანელი სამხედრო ძალებისაგან მხარდაჭერა არ მიუვათ.

ეს ბოლო 20 წლის განმავლობაში ყველაზე მასშტაბური ბრიტანული სამხედრო სწავლებაა.

გავრცელებული ინფორმაციით, პრინცი დაწვრილებით გაეცნობა იმ ყველა საიდუმლო გეგმას, რომელიც შესაძლო "ბრძოლის" დროს იქნება ამოქმედებული.

ოფიციალურად პრინც ჰარის მონაწილეობა არ არის გაცხადებული, ამიტომ Daily Mirror-ი წყაროსთან შეთანხმებით, მისი გადაადგილების დეტალებს არ ასაჯაროებს. ცნობილია უბრალოდ, რომ პრინცი უახლოეს დღეებში ბრიტანული აეროპორტ RAF Brize Norton-დან ნორვეგიაში გაფრინდება.

დიდი ბრიტანელი სამხედრო მაღალჩინოსნები აცხადებენ, რომ სწავლებაში სამეფო ოჯახის წარმომადგენლის მონაწილეობა დიდი სტიმული იქნება სამხედროებისათვის.