კიევში პროფესიონალმა მოკრივემ სახელმწიფო დაცვის სამსახურის თანამშრომელი ერთი დარტყმით მოკლა

კიევში პროფესიონალმა მოკრივემ სახელმწიფო დაცვის სამსახურის თანამშრომელი ერთი დარტყმით მოკლა - მკვლელობის დეტალები

მსოფლიო - 12:03, 04 Jan, 2019

3377

კიევში ურთიერთშელაპარაკებისას პროფესიონალმა მოკრივემ სახელმწიფო დაცვის სამსახურის თანამშრომელი ერთი დარტყმით მოკლა. ინფორმაციას ამის შესახებ უკრაინული მედია ავრცელებს.

როგორც ცნობილი გახდა, 36 წლის მამაკაცი ძაღლებს ასეირნებდა და კონფლიქტი მოუვიდა ავტომობილის მძღოლთან, რომელიც მანქანას ავტოსადგომზე აყენებდა. მძღოლი ავტომობილიდან გადმოვიდა, რა დროსაც გამვლელმა, რომელსაც თან 2 ძაღლი ახლდა მუშტი თავში დაარტყა. რის საფუძველზე წარმოიშვა კონფლიქტი ჯერჯერობით უცნობია

ადგილზე გამოძახებული იქნა სასწრაფო დახმარება, თუმცა ექიმებმა დაშავებულის გადარჩენა ვერ შეძლეს. მამაკაცი გონზემოუსვლელად გარდაიცვალა.

მოგვიანებით ცნობილი გახდა ინციდენტის დეტალები, გარდაცვლილი 26 წლის ვასილი ხმელიუკი აღმოჩნდა, სახელმწიფო დაცვის სამსახურის კაპიტანი (დეპარტამენტი რომელიც სახელმწიფოს პირველი პირების უსაფრთხოებას უზრუნველყოფს), ხოლო მკვლელობაში ბრალდებული 36 წლის პროფესიონალი მოკრივე პოიტრ ოჩერეტიანი.

პოიტრ ოჩერეტიანი, რომელსაც სამართალდამცავები სახელმწიფო დაცვის სამსახურის კაპიტნის მკვლელობისთვის ეძებდნენ, ადვოკატთან ერთად პოლიციაში გამოცხადდა. მის წინააღმდეგ საქმე განზრაც მკვლელობის მუხლითაა აღძრული, რაც უკრაინის სისხლის სამართლის კოდექსით 7-დან 15 წლამდე პატიმრობას ითვალისწინებს.