საფრანგეთში ყვითელჟილეტიანების ერთ-ერთი ლიდერი დააკავეს

მსოფლიო - 11:05, 03 Jan, 2019

2000

საფრანგეთიშ პოლიციამ ოთხშაბათს მოძრაობა „ყვითელი ჟილეტების“ ერთ-ერთი ლიდერი ერიკ დრუე დააკავა. პოლიციის ინფორმაციით დაკავების მიზეზი რასანქცირებული მიტინგის ჩატარების მცდელობა გახდა.

დრუე ოთხშაბათს საღამოს კონკორდის მოედანზე დააკავეს, სადაც ის „ყვითელი ჟილეტების“ ჯგუფთან ერთად იმყოფებოდა. ადვოკატის თქმით, დრუემ გადაწყვიტა მოედანზე შეკრებილ „ყვითელი ჟილეტების“ ჯგუფს შეერთებოდა, როდესაც ის პოლიციამ დააკავა. დრუეს უფლებადამცველი დაკავებას უკანონოდ მიიჩნევს.

მოძრაობა „დაუმორჩილებელი საფრანგეთის“ ლიდერმა ჟან-ლუკ მელანშონმა დრუეს დაკავებას, ხელისუფლების მხრიდან ძალაუფლების ბოროტად გამოყენება უწოდა და ტვიტერზე დაწერა, რომ სამართალდამცავების მთავარ მიზანს ახლა, „ყვითელი ჟილეტების“ ორგანიზატორების თვალთვალი წარმოადგენს.

დრუე 23 დეკემბერსაც დააკავეს აქციაზე აკრძალული ნივთების შეტანის მოტივით. დრუეს წინააღმდეგ გამოძიებას საფრანგეთის პროკურატურაც აწარმოებს, მათი მტკიცებით დრუე ყვითელჟილეტიანებს ელისეის სასახლეში შეჭრისკენ მოუწოდებდა.

ყვითელჟილეტიანების აქციები საფრანგეთში 17 ნოემბრის შემდეგ მიმდინარეობს. ისინი თავდაპირველად საწვავზე ფასების ზრდას აპროტესტებდნენ, შემდეგ კი მათი მოთხოვნები უფრო რადიკალური გახდა და საფრანგეთის პრეზიდენტის, ემანუელ მაკრონის გადადგომა მოითხოვეს,