ერაყის ხელისუფლებამ შობა ოფიციალურ დღესასწაულად გამოაცხადა. 25 დეკემბერი უქმე დღე იქნება არა მხოლოდ ერაყელი ქრისტიანებისთვის, არამედ ქვეყნის ყველა მოქალაქისთვის.

„ბედნიერი შობა ჩვენ ქრისტიან თანამოქალაქეებს. ყველა ერაყელს და ყველას ვინც მსოფლიოში ამ დღესასწაულს ზეიმობს“- ნათქვამია ერაყის ხელისუფლების ოფიციალურ ტვიტერზე.

2003 წლამდე ერაყში 1.4 მილიონი ქრისტიანი იყო, ომების გამო ბევრმა მათგანმა ქვეყანა დაყოვა და ახლა მათი რაოდენობა 300 ათასამდეა შემცირებული. რესპუბლიკის 38 მილიონიანი მოსახლეობის უმრავლესობა ისლამის მიმდევარია, რაც თითქმის 95% შეადგენს, მათგან უმრავლესობა შიიტია.

დეკემბრის დასაწყიში ქალდეის კათოლიკური ეკლესიის პატრიარქმა და ბაღდადის არქიეპისკოპოსმა ლუის რაფაელმა თხოვნით მიმართა ერაყელ კანონმდებლებს, რომ ქრისტეშობა ოფიციალურად გამოეცხადებინათ უქმე დღედ.