ავღანეთის დედაქალაქში, სამთავრობო შენობასთან, სადაც სამინისტროებია განთავსებული, მანქანა აფეთქდა.

პოლიცია ფაქტს ადასტურებს, თუმცა დაღუპულთა ან დაშავებულთა შესახებ ინფორმაციას ამ დრომდე არ ავრცელებს.

შინაგან საქმეთა სამინისტროს პრესსპიკერის ნასრატ რაჰიმის ცნობით კი აფეთქების შემდეგ, თავდამსხმელები შენობაში შეიჭრნენ და მათსა და უსაფრთხოების ძალებს შორის სროლა გრძელდება.

მომხდარზე პასუხისმგებლობა ჯერჯერობით არცერთ დაჯგუფებას არ აუღია.