საპატრიარქოში პატრიარქისა და ზორავას ქუჩაზე მოკლული დავით სარალიძის მამის, ზაზა სარალიძის შეხვედრა დასრულდა. სარალიძე დღეს სიონის ტაძრიდან საპატრიარქოში პატრიარქთან ერთად წავიდა. შეხვედრის დასრულების შემდეგ, ჟურნალისტებთან საუბრისას სარალიძემ აღნიშნა, რომ კონკრეტულად ხორავას ქუჩის ტრაგედიაზე არ უსაუბრიათ:

„შეხვედრა არ ყოფილა საქმიდან გამომდინარე. წირვაზე დამპატიჟა თავად პატრიარქმა, სადაც მივიღე მისი კურთხევით ზიარება, ეს იყო პირველი ზიარება ჩემს ცხოვრებაში. ამ ზიარების შემდეგ დამპატიჟა სადილად თავისთან საპატრიარქოში და ვიყავი. მეტი განსაკუთრებულად ამ კონკრეტულ თემასთან დაკავშირებით არ გვისაუბრია,“ - განაცხადა ზაზა სარალიძემ.