როგორც გაეროს გენერალურმა მდივანმა პან კი მუნმა განაცხადა, მომავალ კვირას გაეროს ექსპერტების მიერ გამოქვეყნდება დასკვნა, სადაც დადასტურებული იქნება, რომ სირიაში ქიმიური იარაღი გამოიყენეს.

გაეროს გენერალურმა მდივანმა ხაზი გაუსვა იმ ფაქტს, რომ სირიის პრეზიდენტი ბაშარ ასადმა კაცობრიობის წინაშე არაერთი დანაშაული ჩაიდინა და ის უნდა დაისაჯოს.

ჟენევაში კი მიმდინარეობს მოლაპარაკებები აშშ-ის სახელმწიფო მდივან ჯონ ქერისა და რუსეთის საგარეო საქმეთა მინისტრ სერგეი ლავროვს შორის, ისინი გეგმას ამუშავებენ, თუ როგორ უნდა განადგურდეს ასადის მთავრობის მფლობელობაში არსებული ქიმიური იარაღი.