"როდესაც ადამიანის სულზე ძვირფასი ძალადობით მოპოვებული ხმა ხდება... ხელისუფლება, რომელიც უარყოფს ზნეობრივ იდეალებს, ის ხდება მავნებელი საზოგადობისთვის"

"როდესაც ადამიანის სულზე ძვირფასი ძალადობით მოპოვებული ხმა ხდება... ხელისუფლება, რომელიც უარყოფს ზნეობრივ იდეალებს, ის ხდება მავნებელი საზოგადობისთვის" - მღვდელმონაზონი ანდრია

საზოგადოება - 00:50, 12 Dec, 2018

1347

სასწავლო დაწესებულებების პოლიტიზირების მცდელობისა და ზუგდიდში, მე-6-ე სკოლის დირექტორის ია კერზაიას გარდაცვალების ფაქტს ფეისბუქის გვერდზე ეხმაურება მღვდელმონაზონი ანდრია სარია.
"უნივერსიტეტის, სკოლისა და ბაღის მიზანი არის ქვეყანას აღუზარდოს გონიერი და სახელმწიფოებრივად მოაზროვნე ახალგაზრდები. როდესაც სულიერ ორიენტირსა და ფუნქციას კარგავს აღმზრდელობითი დაწესებულება და ხდება პოლიტიზირებული კონკრეტული პარტიის სასარგებლოდ, მისი შინაარსიც რადიკალურად განსხვავებული ხდება და მახინჯდება მთელი სტრუქტურა. ზუგდიდში მომხდარმა ფაქტმა ყველას დაგვწყვიტა გული, ეს არის კლასიკური მაგალითი ურწმუნოებისა, როდესაც, ადამიანის სულზე ძვირფასი ძალადობით მოპოვებული ხმა ხდება. ხელისუფლებას, რომელსაც არა აქვს სარწმუნოება, არა სწამს ღმერთი, რომელიც უარყოფს ქრისტიანულ ზნეობრივი იდეალებს, უბედურია; ის არ ასრულებს თავის დანიშნულებას და ის ხდება მავნებელი საზოგადოებისთვისაც , რადგან უთხრის ძირს ხალხის ზნეობას, ხოლო სარწმუნოების და ზნეობის დარღვევა ჩვენ გვიქადის თანდათანობით გადაშენებას. ამის მაგალითები ისტორიაში ბევრი გვაქვს. ურწმუნოებას შეხორცებული ძალადობა გამრყვნელია საზოგადოებრივი ცხოვრებისა, იგი მტერია ერისა. ვუცხადებ თანაგრძნობას პედაგოგ ია კერძაიას ოჯახს, ვუერთდები მათ ტკივილს და ვიმედოვნებ რომ მსგავსი ქმედება არასდროს განმეორდება! ღმერთმა სასუფეველი დაუმკვიდროს მის სულს და კეთილდღეობა ნუ მოაკლოს ქართველ ერს! ამინ!" - წერს სასულიერო პირი.