საქართველოში პური გაძვირდა. მწარმოებლები კი არ გამორიცხავენ, რომ აღნიშNულ პროდუქციაზე ფასებმა კიდევ მოიმატოს:

„თუ ჩვენს აგვისტოს თვეში ერთ ტომარა ფქვილს საშუალოდ 33-35 ლარად ვიღებდით, ახლა ეს ნიშნული მერყეობს 47-დან 50 ლარამდე რაც ბუნებრივია რთულ პირობებში გვაყენებს ჩვენ, პურის მწარმოებლებს. ამას გარდა ჩვენთვის გაძვირებულია ისეთი იმპორტირებული საშუალებებიც როგორიც არის მაგალითად პურის შესაფუთი მასალები. რომლებიც ბოლო ორი წლის განმავლობაში შეიძლება ითქვას რომ გაორმაგდა. გაზრდილია საწვავის ფასი და სადისტრიბუციო მანქანებიც, ასევე დაზგა დანადგარებიც . და ამ ყველაფერის გათვალისწინებით გაზრდილი გაზის ტარიფიც გავლენას ახდენს პურის თვითღირებულებაზე. ჩვენ საკუთარი რესურსების გამოყენებით და ფქვილის მარაგებს წყალობით რამდენი თვე ვახერხებდით რომ პურზე დაბალი ფასი შეგვენარჩუნებინა,“-განაცხადა „იფქლის" საზოგადოებასთან ურთიერთობის განყოფილების უფროსმა მარიამ გოგიშვილმა.