"გარდაცვალება მსურს, შიშის გარეშე, მშვიდად და უცებ... აი, თურმე, როგორი ყოფილხარ, ღმერთო..."

"გარდაცვალება მსურს, შიშის გარეშე, მშვიდად და უცებ... აი, თურმე, როგორი ყოფილხარ, ღმერთო..." - ნიკა რურუას ბლიც-ინტერვიუ

საზოგადოება - 11:03, 05 Dec, 2018

12724

Venue.ge ბლიც-ინტერვიუს ნიკა რურუასთან.

– რას მიიჩნევთ ყველაზე დიდ უბედურებად?

– ყველაზე დიდ უბედურებად მივიჩნევ ყველანაირ გაუნათლებლობას, სიბნელესა და კატეგორიულობას.

– უნარი (შესაძლებლობა), რომელსაც გინდათ, რომ ფლობდეთ?

– მინდა შემეძლოს ყველა სულიერისა თუ უსულოს ენის გაგება მთელი კოსმოსის მასშტაბით, მარტო დედამიწაზე არა.

– როგორ გსურთ გარდაცვალება?

– შიშის გარეშე, მშვიდად და უცებ.

– თქვენი დევიზი?

– Life, Liberty and pursuit of Happiness. (სიცოცხლე, თავისუფლება და ბედნიერებისკენ სვლა).

– თქვენი მთავარი მიღწევა?

– რომ არასდროს ვარ თვითკმაყოფილი. და ინტერესისგან დაცლილი.

– როდის გრძნობდით თავს ყველაზე ბედნიერად?

– თითქმის ყოველთვის.

– რას შეცვლიდით თქვენში?

– ბევრ რამეს. და ვცვლი კიდეც.

– რაც გაგაჩნიათ, იმისაგან რას უფრთხილდებით ყველაზე მეტად?

– ყველაზე მეტად ვუფრთხილდები ჩემს რწმენას და ღირებულებებს.

– თქვენი საყვარელი საქმიანობა?

– კითხვა, ფიქრი, საუბარი, სმენა.

– რაზე სწუხხართ ყველაზე მეტად?

– იმაზე, რომ ჩემი ქვეყანა არაა ჯერ თავისუფალი, განათლებული და ერთიანი.

– რა პრინციპულ (არაბიოლოგიურ) სხვაობას ხედავთ მამაკაცსა და ქალს შორის?

– არანაირს.

– რისი გეშინიათ ყველაზე მეტად?

– გაფლანგული, უაზრო ცხოვრების.

– ოქროს თევზი გაშვების ნაცვლად, სამ სურვილს გისრულებთ. რას სთხოვდით?

– სურვილი პირველი – დეოკუპაცია ჩემი სამშობლოსი; სურვილი მეორე – მისი წევრობა NATO-ში. სურვილი მესამე – საქართველოსა და ამერიკის შორის სამხედრო დახმარების ხელშეკრულება, ისეთი, როგორც ა.შ.შ.-ს ტაივანთან და სამხრეთ კორეასთან აქვს.

– როგორ შემთხვევებში იტყუებით?

– როცა სხვა გზა არ არის.

– რა არ მოგწონთ საკუთარ გარეგნობაში?

– ზედმეტი წონა.

– 3 საყვარელი მწერალი?

– ხორხე ლუის ბორხესი; უილიამ ბერროუზი; ალის მანრო.

– ყველაზე ადვილად, რა მინუსების პატიება არ შეგიძლიათ ადამიანისათვის?

– შურიანობის, ორპირობის, ღალატის, მეწვრილმანეობის და უგულობის.

– საყვარელი გმირი რეალურ ცხოვრებაში?

– თომას ჯეფერსონი.

– ღმერთთან პირისპირ მოხვედრისას, რას ეტყვოდით მას?

– ააააა, აი, თურმე, როგორი ყოფილხარ, ღმერთო.