ხორავას ქუჩაზე მომხდარი ტრაგედია - მოზარდების მკვლელობიდან ერთი წელი გავიდა. გასული წლის პირველ დეკემბერს ხორავას ქუჩაზე მომხდარ სისხლიან გარჩევას 51-ე სკოლის ორი მოსწავლე, ლევან დადუნაშვილი და დავით სარალიძე ემსხვერპლა.

აღნიშნულთან დაკავშირებით, რუსთაველის გამზირიდან შემთვევის ადგილამდე დღეს აქცია მსვლელობა მოაწყვეს შვილმოკლულმა მამებმა და მათმა მხარდამჭერებმა:

„ამ ერთი წლის განმავლობაში ძალოვანი უწყებიდან და ხელისუფლებიდან ტალახის სროლის მეტი არაფერი მიმიღია. დარწმუნებული ვარ იმაში, რომ ის ადამიანები, ჩემი შვილის მკვლელებზე მაქვს საუბარი, ის პროკურორები, რომლებმაც ეს საქმე გააყალბეს და ეს გამომძიებლები, რომლებიც აქტიურად იყვნენ ჩართულები ამ საქმის გაყალბებაში, აუცილებლად იმსხვერპლებს კიდევ ვინმეს,“ - განაცხადა ზაზა სარალიძემ.