დასავლეთში ღამით ამოვარდნილმა ძლიერმა ქარმა პრობლემბი შექმნა.

საგანგებო სიტუაციების მართვის სამსახურში ძლიერი ქარის გამო, ღამის 12:00 საათის მონაცემებით იმერეთის, სამეგრელო-ზემო სვანეთისა და გურიის რეგიონებიდან შემოსულია 465 შეტყობინება.

მათ შორის:

იმერეთიდან - 350

სამეგრელო-ზემო სვანეთიდან - 110

გურიიდან - 15

იმერეთი - გამოძახებების უმრავლესობა (250) დაფიქსირდა ქალაქ ქუთაისიდან. ძლიერმა ქარმა წააქცია 150 ხე, დააზიანა 5 ავტომანქანა, 170 შენობას ახადა სახურავი.

სამეგრელო-ზემო სვანეთი - ძლიერმა ქარმა დააზიანა 1 ავტომანქანა, 46 შენობას გადახადა სახურავი და წააქცია 44 ხე. დაზიანებულია ელექტროსადენები.

გურია - ყველაზე მეტი შეტყობინება ლანჩხუთიდან დაფიქსირდა, სადაც ძირითადად, დაზიანდა ელექტრო სადენები და წაიქცა ხეები.

სამივე რეგიონში მობილიზებულია საგანგებო სიტუაცების მართვის სამსახურის 500 მეხანძრე-მაშველი.

„საკმაოდ დაზიანდა სახლის სახურავი, ნახევარი სახლის სახურავი, ბავშვების ოთახის კედელი ჩამოინგრა, ფანჯარაც. არ შეიძლება, იქ ბავშვი დაწვეს, ღამე გაათიოს. ახლაც საშიშროებაა, ბავშვები გაყვანილი მყავს სახლიდან,“ - განაცხადა ერთ-ერთმა მოქალაქემ.