2017 წლის პირველი დეკემბერი - ხორავას ქუჩაზე მომხდარი სისხლიანი გარჩევის დროს 51-ე საჯარო სკოლის ორი მოსწავლე მოკლეს. მომხდარს დავით სარალიძისა და ლევანდ ადუნაშვილის სიცოცხლე ემსხვერპლა.

ხორავას ქუჩაზე მომხდარ სისხლიან გარჩევაში 15-მდე მოზარდი მონაწილეობდა, მათ შორის იყვნენ როგორც 51-ე საჯარო სკოლის, ასევე პირველი ექსპერიმენტალური სკოლის უფროსკლასელები.

როგორც ცნობილია, კონფლიქტი 51-ე საჯარო სკოლის საპირფარეშოში დაიწყო და მოგვიანებით სწორედ ხორავას ქუჩაზე მდებარე ფარდულში გადაინაცვლა.

სისხლიანი გარჩევის დროს მიყენებული მძიმე დაზიანებების გამო ლევან დადუნაშვილი საავადმყოფოში მიყვანამდე გარდაიცვალა, დავით სარალიძე კი სამედიცინო დაწესებულებაში. მომხდარზე გამოძიება 108-ე, განზრახ მკვლელობის მუხლით დაიწყო.

გამოძიება დღემდე მიმდინარეობს, თუმცა დავით სარალიძის მკვლელი კვლავ არ არის დაკავებული. პირველი ინფორმაცია შემტხვევის ადგილზე მტკიცებულებების განადურების შესახებ 2018 წლის წლის 19 იანვარს გავრცელდა. როგორც „სამართალდამცავთა რეფორმირების ცენტრის“ ხელმძღვანელი ზვიად კუპრავა აცხადებდა, ინციდენტში მონაწილე მოზარდები გავლენიანი პირების შვილები და ახლობლები იყვნენ და სწორედ ამიტომ განადგურდა მტკიცებულებები.

მომხდარში გამოიკვეთა პროკურატურის მაღალჩინოსნის მირზა სუბელიანის სახელი და ინციდენტშ მონაწილის მიხეილ კალანდიას სახელი. როგორც შემდგომ გახდა ცნობილი, მოზარდებს შორის კონფლიქტი მირზა სუბელიანის ვაჟის გამო დაიწყო, რომელმაც დახმარება მის ახლობელს მიხეილ კალანდიას სთხოვა და სწორედ ასე წარმოიქმნა კონფლიქტი და დასრულდა მოზარდების მკვლელობით.

სამარტალდამცავებმა ორი მოზარდი დააკავეს.

მიმდინარე წლის 31 მაისს მომხდარზე სასამართლო პროცესი გაიმართა, ერთ-ერთი ბრალდებული დამნაშავედ იქნა ცნობილი ლევან დადუნაშვილის მკვლელობის საქმეში, მეორე ბრალდებული შემთხვევაში მუხლი გადაკვალიფიცირდა და დამნაშავედ იქნა ცნობილი დავით სარალიძის მკვლელობის მცდელობის კუთხით.

აღნიშნულ პროტესტი გამოიწვია, რის შედეგადაც რამდენიმე დღის განმავლობაში მასშტაბური აქციები იმართებოდა მტავარ პროკურატურასთან და რუსთაველის გამზირზე. აღნიშნულს საქართველოს მტავარი პროკურორის ირაკლი შოთაძის ტანამდებობიდან გადადგომა მოჰყვა.

რამდენიმე თვის წინ შექმნილი კრიზისული ვითარებსი გამო, სამართალდამცავებს ჩაბარდა საქმეში მონაწილე მირზა სუბელიანი, რომელმაც მკვლელობის მტკიცებულებები გააყალბა. თუმცა მას ბრალი მსუბუქი მუხლით წარედგინა.

შვილმოკლული მამა მისი შვილის მკვლელობიდან ერთი წლის მერე კვლავ განაგრძობს ბრძოლას სამართლის მოსაპოვებლად. ზაზა სარალიძის პროტესტი რუსთაველის გამზირზე პარლამენტში შენობის წინ გრძელდება.