18 წლის გოგომ 1 წლის ტასო იმსხვერპლა - "და-ძმასთან ერთად ლისის ტბაზე სეირნობდა, როცა გადაჭარბებული სიჩქარით მოძრავმა მანქანამ გადაჯეგა ყველაფერი"

საზოგადოება - 13:33, 30 Nov, 2018

17050

რამდენიმე დღის წინ, ლისის ტბის მიმდებარე ტერიტორიაზე 1 წლის ტასოს მანქანა დაეჯახა, რომელიც და-ძმასთან და მამასთან ერთად ფეხითმოსიარულეთათვის განკუთვნილ ბორდიულზე სეირნობდა, რა დროსაც მას ავტომანქანა დაეჯახა.

ტრაგედიის შესახებ, ოჯახის ახლობლები სოციალურ ქსელში წერენ.

"ლისის ტბის მიმდებარე ტერიტორიაზე უდიდესი ტრაგედია დატრიალდა. ბავშვის მამა შვილებს ასეირნებდა. გადაჭარბებული სიჩქარით მოძრავი მანქანა, რომელსაც პატარა გოგო მართავდა… გადავიდა გზის სავალი ნაწილიდან, გადაჯეგა ყველაფერი, რაც გზად შეხვდა და 1.5 წლის ანგელოზივით ბავშვი, ულამაზესი და უსაყვარლესი გოგონა შეიწირა" - წერს ერთ-ერთი ახლობელი სოციალურ ქსელში.

როგორც "ნიუპოსტს" შინაგან საქმეთა სამინისტროში განუცხადეს, მომხდართან დაკავშირებით დაკავებულია ავტომობილის მძღოლი 18 წლის გოგო, გამოძიება კი სისხლის სამართლის კოდექსის 276-ე მუხლის მე-5 ნაწილით დაიწყო, რაც გულისხმობს ტრანსპორტის მოძრაობის უსაფრთხოების, ან ექსპლუატაციის წესის დარღვევას, რამაც გამოიწვია ადამიანის სიცოცხლის მოსპობას გულისხმობს.