რამდენიმე საათის წინ გავრცელებულმა სამწუხარო ინფორმაციამ, საზოგადოების დიდ ნაწილს ძალიან დაწყვიტა გული. დღეს ცნობილი გახდა, რომ ქუჩის მუსიკოსი სამირ სავჩუკი გარდაიცვალა.

ზაზას ყველა იცნობდა, ვინც ერთხელ მაინც ყოფილა თბილისის მეტროსადგურებსა და მიწისქვეშა გადასასვლელებში. ახალგაზრდა მამაკაცი გამვლელებისთვის ბოლო 15 წლის განმავლობაში გამაოგნებელი ხმით მღეროდა.

“გზა მშვიდობისა სამირ ... მანდ მშვიდად იქნები - არც ზამთარი შეგაწუხებს, არც სიცივე, არც ხალხი ..." - წერს შოთო სიხარულიძე სოციალურ ქსელში.

სავჩუკის მიმართ პატივისცემას მისი მძიმე ისტორიაც გიჩენდა...

ზაზა ყვებოდა, რომ ის დედამ 4 წლის ასაკში კიევის ერთ-ერთ შენობაში, მერვე სართულზე მიატოვა.

სავჩუკი პატარა იყო, როცა ის ეროვნებით რუსმა ცოლ-ქმარმა ჭიათურაში ჩამოიყვანა - „მე მათთვის მონა ვიყავი“ ამბობდა მომღერალი.

15 წლის ასაკში სამირი თბილისში გადავიდა და სიმღერით ირჩნდა თავს.