ძლიერი ნალექის გამო ბათუმში რამდენიმე ქუჩა დაიტბორა, მათ შორის ახლახან რეაბილიტირებული ქუჩებიც.

წყალი საცხოვრებელი სახლების პირველ სართულებსა და სარდაფებშიც შევიდა. დაზიანდა ტექნიკა და საყოფაცხოვრებო ნივთები. პრობლემები ძირითადად ე.წ. ჭაობის დასახლებას შეექმნა. ამოტუმბვითი სამუშაოები აქ გვიანობამდე გაგრძელდა, გაწმენდილია ქუჩებიც.

მერიის ცნობით, მიზეზი ჯავახიშვილზე მიმდინარე სარეაბილიტაციო სამუშაოებია, რის გამოც ვერ მოხერხდა უხვი ნალექის სწრაფად გატარება.