სამძებრო ღონისძიებები გორში - აგდილზე 14 წლის წინ გაუჩინარებული ბიჭის ოჯახი იმყოფება

საზოგადოება - 14:20, 17 Nov, 2018

2942

"ნიუპოსტის" კორესპოდენტის ცნობით, გორში კულტურისა და დასვენების პარკის მიმდებარე ტერიტორიაზე ექსპერტ-კრიმინალისტები აქტიურად მუშაობენ. პოლიცია, სავარაუდოდ, 14 წლის წინ გაუჩინარებული მოზარდის ცხედარს ეძებს. სამხარაულის ექსპერტებმა სკანერით ტერიტორიის სენსორული ზედაპირული დათვალიერება უკვე განახორციელეს და მათ კონკრეტული ადგილებიც მოინიშნეს, რის შემდეგაც სავარაოდოდ გათხრა დაიწყება.

ბაღის ტერიტორიაზე, სამფეროვანი დროშებით არის მონიშნული ადგილი, სადაც, შესაძლოა, ზაქრო ბერძენიშვილის ცხედარი იყოს დამარხული. ადგილზე იმყოფებიან მოზარდის ოჯახის წევრებიც. მათი თქმით, მიმდინარე სამძებრო ღონისძიებების შესახებ ინფორმაცია არ აქვთ.

„რამე რომ ვიცოდე, ნამდვილად ვიტყოდი, არაფერი არ ვიცი. პირადად იქ გუშინ ვიყავი მისული, დავინახე, რომ დგანან და პატარა ლენტებით არის გაკეთებული იქაურობა. სხვა არაფერი არ ვიცი. თუ ჩემი ოჯახის წევრებს ვინმეს დაუკავშირდნენ, ეგეც არა მგონია. გავიგე ისიც ხალხისგან, რომ რაღაც, ალბათ, თქვა. მე გუშინ ტელეფონით გავიგე, რომ ესეთი ამბავი იყო,“ - აღნიშნა ზაქრო ბერძნიშვილის დედამ, ხათუნა რაზმაძემ.

14 წლის წინ გაუჩინარებული ზაქრო ბერძნიშვილის ოჯახის წევრებთან ერთად, ადგილზე არიან გორში მოკლულიო 8 წლის ნანა ბერიაშვილის ახლობლებიც.