"აფეთქების შედეგად დაშავებულებს სერიოზული დამწვრობები აღენიშნებათ"

"აფეთქების შედეგად დაშავებულებს სერიოზული დამწვრობები აღენიშნებათ" - გუგა ქაშიბაძე

საზოგადოება - 15:21, 16 Nov, 2018

1283

დამწვრობის ცენტრის ხელმძღვანელის გუგა ქაშიბაძის ინფორმაციით, ფონიჭალაში აფეთქების შედეგად დაშავებულები კვლავ რეანიმაციულ განყოფილებაში რჩებიან.

„სამივე პაციენტის ჯანმრთელობის მდგომარეობს სტაბილიზაციას ვინარჩუნებთ, თუმცა კიდევ ერთხელ განვმეორდები, საკმაოდ სერიოზულ დიაგნოზთან გვაქვს საქმე. ყველაფერი კეთდება, რათა მათი ჯანმრთელობის მდგომარეობასა და სიცოცხლეს საფრთხე არ მიადგეს. მათ უტარდებათ რეანიმაციული და ინტენსიური თერაპიული ღონისძიებები. სამივე მათგანი არის კონტაქტური, თუმცა კიდევ მათ საკმაოდ სერიოზული დამწვრობები აღენიშნებათ" - განაცხადა გუგა ქაშიბაძემ.

აფეთქება გუშინ 16 ნოემბერს ზემო ფონიჭალაში მოხდა.შემთხვევა სავარაუდოდ, გაზის გაჭონვამ გამოწვია, რის შედეგადაც დაშავდა 3 ადამიანი. 44 წლის ბაბუა, 24 წლის შვილი და 6 წლის შვილივილი, რომლებიც ხეჩინაშვილის სახელობის საუნივერსიტეტო კლინიკის დამწვრობის ცენტრის რეანიმაციულ განყოფილებაში არიან მოთავსებული.

საცხოვრებელ კორპუსში ნანგრევებში დედა და 9 თვის ჩვილი მოყვნენ და მათ სამძებრო სამუშაოებს რთული კონსტრუქციის ჩამონგრევა ართულებდა, რისთვისაც სამაშველო სამსახურის სპეციალური ტექნიკის გამოიყენება გახდა საჭირო.

მომხდარზე გამოძიება სისხლის სამართლის კოდექსისი 240-ე პრიმა მუხლის მე-2 ნაწილით დაიწყო, რაც სამთო, სამშენებლო ან სხვა სამუშაოს წარმოებისას უსაფრთხოების წესის დარღვევას გულისხმობს, რამაც გამოიწვია ადამიანის სიცოცხლის მოსპობა ან სხვა მძიმე შედეგი.

ამ დროისთვის კორპუსი ევაკუირებულია და იქ მცხოვრები 23 ოჯახი 4 სხვადასხვა სასტუმროში არიან მოთავსებული.