მაშველებმა ნანგრევებში 9 თვის ჩვილის ცხედარიც იპოვეს

შემთხვევა - 17:24, 15 Nov, 2018

3440

საგანგებო სიტუაციების მართვის სამსახურის მაშველებმა კორპუსში აფეთქების შედეგად ნანგრევებში მოყოლილი ქალი და 9 თვის ჩვილის გარდაცვლილი იპოვეს.

დედა-შვილის სამძებრო სამუშაოები რამდენიმე საათის განმავლობაში მიმდინარეობდა.

აფეთქება დღეს დილით მოხდა. შემთხვევა სავარაუდოდ გაზის გაჭონვამ გამოწვია, რის შედეგადაც დაშავდა 3 ადამიანი. 44 წლის ბაბუა, 24 წლის შვილი და 6 წლის შვილივილი, რომლებიც ხეჩინაშვილის სახელობის საუნივერსიტეტო კლინიკის დამწვრობის ცენტრის რეანიმაციულ განყოფილებაში არიან მოთავსებული და მათი ჯანმრთელობის მდგომარეობა მძიმეა.

საცხოვრებელ კორპუსში ჩამონგრევის შედეგად დედა და 9 თვის ჩვილის სამძებრო სამუშაოები რამდენიმე საათის განმავლობაში მიმდინარეობდა და მათი ძებნის სამუშაოებს რთული კონსტრუქციის ჩამონგრევა ართულებდა, რისთვისაც სამაშველო სამსახურმა სპეციალური ტექნიკა გამოიყენა.

მომხდარზე გამოძიება სისხლის სამართლის კოდექსისი 240-ე პრიმა მუხლის მე-2 ნაწილით დაიწყო, რაც სამთო, სამშენებლო ან სხვა სამუშაოს წარმოებისას უსაფრთხოების წესის დარღვევას გულისხმობს, რამაც გამოიწვია ადამიანის სიცოცხლის მოსპობა ან სხვა მძიმე შედეგი.