50-ე საბავშვო ბაღის დირექტორი ნატა უღრეიძე გაათავისუფლეს. უღრეიძის განცხადებით, მისი გათავისუფლება პოლიტიკური ნიშნით მოხდა.

მასწავლებლები აცხადებენ, რომ დირექტორს წინასაარჩევნოდ სიები მიტანა მოსთხოვეს, რაზეც უღრეიძემ უარი განაცხადა, მოგვიანებით კი თანამდებობიდან გაათავისუფლეს.

დირექტორის თქმით, მას მოიხსენიებდნენ როგორც "ნაციონალური მოძრაობის" წევრად და ეუბნებოდნენ, რომ ის სანდო თანამშრომელი არ იყო.

"გამომიცხადეს ძალიან მალე, ძალიან სწრაფად საყვედური და ამის საფუძველზე გამათავისუფლეს. მწამებენ ცილს, ასევე მე ვარ ძველი ნაციონალი. მე არასდროს არ ვყოფილვარ არცერთ პარტიაში. ეს კულუარული ინფორმაციებია," - განაცხადა დირექტორმა.

დირექტორის გათავისუფლების ოფიციალურ მოტივად კი ბაღში არსებული დარღვევებია მითითებული.